一起果醬 (已結業)

想試一起果醬好耐，餐廳除咗果醬主打，都仲有多款不同嘅晚市套餐及散叫，有啲飲品仲係以果醬為材料，好特別！餐廳燈光暗暗的，另有一種格調。晚餐我哋叫咗一個慢煮豬，食落肉質都幾林晚餐仲有餐湯🥣餐湯係蘑菇湯，蘑菇湯入面有蘑菇粒，用心製作，味道調得唔錯而且仲有沙律，都幾新鮮🥗另外我哋仲散叫咗個煙三文魚沙律，三文魚一啲都唔腥。而且沙律都好大兜。晚餐仲有飲品叫咗mocha，雖然冇拉花，但係味道可接受。最想推薦嘅係呢度嘅奶油鬆餅，真係好好食！熱辣辣，媲美酒店級嘅鬆餅。因為可以揀選果醬，我就揀咗玉桂蘋果味。另外再加少少奶油，我真係覺得呢個鬆餅係必叫！