岸久巿場 (已結業)

之前老公好忙，難得今日唔洗OT我地就去食好d輕鬆一下。上網見尖沙咀開咗間新既濱燒店，而老公向來都鍾意食刺身濱燒，我就提議試下新店。店舖位於尖沙咀厚德街H8，從地鐵站去好方便，餐廳位於11樓全層，裝修好特別，用上大量日劇及電影海報作點綴，天花又吊滿油紙傘，日系感覺強烈之中又有點跳脫。老公好滿意今晚的安排，吃完刺身又吃浜燒，一次過品嚐佢最愛既日式料理，非常滿足。雙色檸乳酸梳打乳酸同檸檬味好夾，加上冰條，香甜味美。唐揚鷄翼老公好鍾意食炸雞翼，呢款雞翼皮脆肉嫩，富有肉汁，老公大讚。岸久刺身五點盛合刺身四點同五點只差80蚊，不過就多左原板海膽，海膽好creamy，入口鮮甜味久久不散。油甘魚好厚身，另外仲有我最鍾意既帶子刺身。特選浜燒盛合岸久市場有多款活海鮮，呢款特選浜燒盛合有蜆，生蠔，赤蝦，魷魚等海鮮，店員會先介紹燒既方法，由於海鮮都好新鮮，基本上唔需要再加其他調味 。食完浜燒我地兩個都好飽好滿足，餐廳新開張有9折，埋單每人280，幾抵食。