影片
更多
2023-02-16
159 瀏覽
好耐無食過韓燒喇🔥 呢日同男朋友黎到尖沙咀韓國街覓食，經過「南대門」門口有oppa介紹就決定試呢間啦🤭 室內環境都幾地道，有韓式鐵製圓枱，全部店員都係韓國人，係香港都可以搵返韓國味道~ 下次想體驗正宗韓燒都會黎呢度，值得encore✅餐廳主打韓國地道美食，除左烤肉仲有其他選擇：炸雞﹑醬油蟹﹑春川炒辣雞﹑芝士豬肋骨﹑傳統濃湯﹑鍋物等等，可以一次過試哂當地美食！一坐低店員就送上清新開胃小菜，有泡菜﹑醃生菜﹑醃茄子﹑芽菜等待，仲可以免費任添🥹 ♢ 🐖豬肉拼盤 $430五花肉 / 護心肉 / 豬頸肉 / 醬醃薄切五花腩兩個人唔想叫太多，叫個拼盤就最適合，餐廳幫你諗好哂食乜🤣 見到咁多款高質靚豬肉，即時胃口大增！呢個set都幾抵食，每款豬肉都有好幾件，仲可以任添生菜﹑泡菜，兩個人食都夠飽！特別鍾意薄切五花腩，肥瘦平均，燒過後充滿油脂香氣。而男朋友就鍾意五花肉，夠哂肥美厚身，入口超滿足！拼盤仲包左一個湯 (大醬湯/泡菜湯)，大醬湯有好多蜆肉同豆腐，豐富足料，味道微辣又帶有鮮味。♢ 🐓雞肉 $150份量有180g，有兩大塊雞肉~ 雞肉燒過後逼出雞皮既油脂，肉質又夠嫩滑，口感同味道都超正！ ♢ 🍜水
餐廳主打韓國地道美食，除左烤肉仲有其他選擇：炸雞﹑醬油蟹﹑春川炒辣雞﹑芝士豬肋骨﹑傳統濃湯﹑鍋物等等，可以一次過試哂當地美食！一坐低店員就送上清新開胃小菜，有泡菜﹑醃生菜﹑醃茄子﹑芽菜等待，仲可以免費任添🥹
♢ 🐖豬肉拼盤 $430
五花肉 / 護心肉 / 豬頸肉 / 醬醃薄切五花腩
兩個人唔想叫太多，叫個拼盤就最適合，餐廳幫你諗好哂食乜🤣 見到咁多款高質靚豬肉，即時胃口大增！呢個set都幾抵食，每款豬肉都有好幾件，仲可以任添生菜﹑泡菜，兩個人食都夠飽！特別鍾意薄切五花腩，肥瘦平均，燒過後充滿油脂香氣。而男朋友就鍾意五花肉，夠哂肥美厚身，入口超滿足！拼盤仲包左一個湯 (大醬湯/泡菜湯)，大醬湯有好多蜆肉同豆腐，豐富足料，味道微辣又帶有鮮味。
♢ 🐓雞肉 $150
份量有180g，有兩大塊雞肉~ 雞肉燒過後逼出雞皮既油脂，肉質又夠嫩滑，口感同味道都超正！
♢ 🍜水冷麵 $90
食韓燒當然要入鄉隨俗，韓國人習慣食個水冷麵黎解膩。冷麵酸酸甜甜，清新開胃。麵質入口煙韌彈牙，冰涼感覺簡直涼透心~ 大家不妨請店員幫手剪開麵餅，食得更方便。
♢ 🍶米酒 $100
燒酒就飲得多，今次想試下米酒~ 味道更加香醇順口，充滿米香，又無燒酒咁嗆口。係呢度可以試到韓國正宗飲法~ 店員搖勻瓶身，將米酒倒入酒缸中，比我地用湯勺一匙匙裝黎飲，好特別既體驗！
張貼
