Siam 28 (中國保險大廈) (已結業)

尖沙咀樓上一間泰國餐廳，環境幾舒服闊落，裝修都幾啱打卡，適合同朋友吹水，坐耐少少都冇問題。🔥泰式濕炒海鮮“停頓”之麵 $122 ★★★★☆呢個造型好特別，係半空對筷子Hold住個麵，打卡一流。成個菜式就係中泰Fuison菜式咁，泰國濕粉個醬汁導遇上中式麵。麵條係中式生麵，炸到好香口酥脆，淋上醬汁後就會淋身小小，撈埋個醬汁食，脆、淋都夾雜。個醬汁仲有唔同新鮮海鮮：鮮蝦、魷魚、硯、各種蔬菜，食落好滿足。🔥炸軟殼蟹配紅咖哩蟹肉汁 $188★★★★☆呢個菜式有4件薄餅附送，軟殼蟹炸到好酥脆，點埋個勁惹味嘅咖哩汁，超好食。個紅咖哩汁唔係好辣，甜甜地偏向椰香味較重，同軟殼蟹、薄餅都好夾。叫呢個有埋4件薄餅附送🔥泰式蟹肉冬菇各冬荀羹 $109★★★★☆呢個菜式上枱會有個小火爐助熱，一路飲都可以Keep住咁熱辣辣。呢個比起湯會杰身，更似係中式湯羹個質感。入面食材超豐富，有蟹肉之外，有各種唔同菇、荀、鵪鶉蛋。冬天叫呢個飲暖笠笠。🔥Santol Chilli & Salt Smoothie $48★★★★☆店員推薦呢杯沙冰，加上辣、咸又酸甜，幾特別。Santol係一種香港唔常見水果，應該都冇咩人識包括我。