Y Show Tasty (已結業)

嗰日同男朋友喺尖沙咀行完街 就諗住喺附近搵啲好嘢食🍴見到呢一間西餐廳門面都幾靚就入咗去食飯 入到去環境都真係幾有情調💕嗌咗一個前菜 辣酒煮蜆配西班牙辣肉腸：係用咗馬尼拉蜆 都幾大隻 食落冇腥味👍🏻主要個辣味係嚟自辣肉腸 炒得好香口 食落幾惹味🌶另外仲叫咗一個香烤招牌乳豬 係慢煮左12小時 外皮好香脆 肉質嫩滑 入口即化 再加埋一層薄薄嘅肥膏 好甘香😆而且都幾有份量成隻豬髀😎泰式冬陰功海鮮意大利飯都好特別 好開胃 酸酸地辣辣地 飯粒煙韌有咬口 索晒個醬汁 好creamy 蝦仁爽口彈牙 最鍾意就係個泰國小茄子好入味好好食！🍆