影片
更多
2025-05-21
404 瀏覽
一踏入餐廳，真係有種「Wow」嘅感覺！電梯門一開，成條走廊佈滿LED星燈，深藍色星空牆加上浮空嘅紫色月亮，即刻少女心爆發，未食飯已經瘋狂打卡。座位設計好有心思，半球形卡座私隱度高，坐得舒服之餘，仲有種被星空包圍嘅浪漫感，情侶或朋友來慶祝真係一流。餐廳每枱送嘅生蠔真係誠意十足！蠔肉飽滿鮮甜，上面鋪滿魚子醬同蟹籽，另外上面鋪滿海膽，海膽口感Creamy，入口鮮味爆棚。鮑魚軟嫩彈牙，簡單調味已經好出色，作為開胃菜好滿足！ 鹽燒白膳外皮燒得香脆，肉質嫩滑，帶微微焦香，蘸少許檸檬汁更開胃。 鮮拆蟹肉餅真係睇到一絲絲蟹肉，外層炸得金黃酥脆，內餡鮮甜多汁。生牛肉他他牛肉新鮮無筋，調味恰到好處，配上脆多士，口感豐富。 黑松露牛肝菌燉意大利飯一上枱就聞到濃郁松露香，牛肝菌香味突出，忌廉汁creamy但唔會膩，松露控必試。鮮拆龍蝦手工闊條麵店員會拎住生猛大龍蝦過嚟畀你打卡，龍蝦肉爽口彈牙，鮮味十足。闊條麵掛滿濃郁龍蝦汁，每啖都食到海洋嘅鮮甜，手工麵質感煙韌。星座蛋糕上枱時星空盒煙霧瀰漫，打卡效果100分！雜莓朱古力慕絲酸甜平衡，口感層次豐富。 開心果巴斯克芝士蛋糕開心果味香濃，芝士質感順滑，堅好食
餐廳每枱送嘅生蠔真係誠意十足！蠔肉飽滿鮮甜，上面鋪滿魚子醬同蟹籽，另外上面鋪滿海膽，海膽口感Creamy，入口鮮味爆棚。鮑魚軟嫩彈牙，簡單調味已經好出色，作為開胃菜好滿足！
鹽燒白膳
外皮燒得香脆，肉質嫩滑，帶微微焦香，蘸少許檸檬汁更開胃。
鮮拆蟹肉餅
真係睇到一絲絲蟹肉，外層炸得金黃酥脆，內餡鮮甜多汁。
生牛肉他他
牛肉新鮮無筋，調味恰到好處，配上脆多士，口感豐富。
黑松露牛肝菌燉意大利飯
一上枱就聞到濃郁松露香，牛肝菌香味突出，忌廉汁creamy但唔會膩，松露控必試。
鮮拆龍蝦手工闊條麵
店員會拎住生猛大龍蝦過嚟畀你打卡，龍蝦肉爽口彈牙，鮮味十足。闊條麵掛滿濃郁龍蝦汁，每啖都食到海洋嘅鮮甜，手工麵質感煙韌。
星座蛋糕
上枱時星空盒煙霧瀰漫，打卡效果100分！雜莓朱古力慕絲酸甜平衡，口感層次豐富。
開心果巴斯克芝士蛋糕
開心果味香濃，芝士質感順滑，堅好食！
𝑨𝒖𝒓𝒐𝒓𝒂
青蘋果同菠蘿嘅清爽組合，酸甜清新，好解膩。
𝑪𝒂𝒕 𝒑𝒍𝒂𝒏𝒆𝒕
洋甘菊茶底配上草莓柳橙，最吸睛係頂層嘅貓貓泡沫🐱，萌到唔捨得飲！
張貼
