鉄人大盛 (已結業)

睇網上介紹係尖沙咀格蘭中心新開左一間食鉄版燒既放題，平時食刺身壽司放題就食得多，今次同朋友食番個鉄版燒放題晚餐先！飲品、雪糕都係無限暢飲，每人都係$328 再加一，我地安排左坐係靚仔廚師👨‍🍳鉄版燒爐前面，店員叫我地唔做tick刺身住，第一round會安排左個刺身拼盤先，包括有大蝦刺身、三文魚刺身、北寄貝刺身、拖羅刺身、希靈魚刺身、油甘魚刺身、帶子刺身！所有刺身都好新鮮，刺身都切得好厚身，好有口感！我地還叫左青龍卷、軟殻蟹卷、左口魚壽司，軟殻蟹好脆口，蟹籽又卜卜脆，真美味！當然唔少得鐵板燒，有黑松露魚扒、檸檬牛油煎魚扒、炒野菜、豚肉生姜燒、牛油醬帶子；即叫即煎，個厚切魚扒配埋黑松露醬汁好match, 檸檬🍋牛油煎法就酸酸地，好開胃，個豚肉加埋洋蔥一齊煎好乾爽惹味，帶子吸左牛油香味更香嫩！ 而燒鰻魚、牛舌同鯖魚都一樣出色；鰻魚塗上蒲燒醬汁，可去除本身的魚腥味，食起黎香甜可口！之後當然要食燒菠蘿、翠肉瓜、燒雞翼同埋杏鮑菇！ 燒菠蘿同翠肉瓜都切得好厚身，超爆多汁，唔會燒得好乾身，太好食所以食左6塊！👍😋 最後食埋Haagen Dazs 雪糕，仲有5款口味任君選擇，很滿足既一頓晚餐🥣！ 除左食