影片
更多
2023-07-24
118 瀏覽
今日OT完想搵個地方chill一chill，搵左間係尖沙咀既bar & restaurant，睇到海景又睇落坐得舒服，一上到去已經俾個環境吸引，木籐傢俬無咁冷冰冰，燈光唔似其他bar太過陰沉，又唔會光到影響一流既海景。餐廳有分開室外同室內部分，天氣太熱侍應安排左室內靠窗位置，坐梳化望海景，另一邊就係吧枱睇住調酒師調酒，正👍🏻因為成9點幾先到餐廳，唔想食太多野，純粹想放鬆下，所以決定叫佢地既night snack menu。Meun有唔少選擇，咩都想試下所以叫左個snack combo 同沙嗲串。沙嗲串最緊要就係個醬，呢到既沙嗲醬十分香，完全唔輸其他專食泰國嘢既餐廳。night snack combo 比想像中大份，有齊night snack menu上既小食，岩晒貪心咩都想試既我🤤。特別要讚一讚薯條，外脆內軟又夠味，加埋個醬真係想encore！野飲選擇亦十分之多，侍應都好細心為我地介紹，最後揀左同餐廳同名既”Kaboom” 同埋”If Not Now, When?” “Kaboom”好似奶茶既酒，甜甜地，一入口先有奶茶味同幼滑口感，酒香再慢慢滲出黎好特別。”If Not Now, Wh
一上到去已經俾個環境吸引，木籐傢俬無咁冷冰冰，燈光唔似其他bar太過陰沉，又唔會光到影響一流既海景。餐廳有分開室外同室內部分，天氣太熱侍應安排左室內靠窗位置，坐梳化望海景，另一邊就係吧枱睇住調酒師調酒，正👍🏻
因為成9點幾先到餐廳，唔想食太多野，純粹想放鬆下，所以決定叫佢地既night snack menu。Meun有唔少選擇，咩都想試下所以叫左個snack combo 同沙嗲串。
沙嗲串最緊要就係個醬，呢到既沙嗲醬十分香，完全唔輸其他專食泰國嘢既餐廳。night snack combo 比想像中大份，有齊night snack menu上既小食，岩晒貪心咩都想試既我🤤。特別要讚一讚薯條，外脆內軟又夠味，加埋個醬真係想encore！
野飲選擇亦十分之多，侍應都好細心為我地介紹，最後揀左同餐廳同名既”Kaboom” 同埋”If Not Now, When?” “Kaboom”好似奶茶既酒，甜甜地，一入口先有奶茶味同幼滑口感，酒香再慢慢滲出黎好特別。”If Not Now, When?” 就十分之清新，帶有蘋果既香味，個腦都爽一爽。呢到既cocktail種類好多又特別，每種都有佢專屬既名同quote，下次再OT 真係要叫杯 “No More OT Please”。
如果想放工鬆一鬆，呢到係一個好選擇。位置方便又有海景，座位唔逼又多野飲揀，價錢亦唔算貴👍🏻。一定會再encore!
張貼
