九記打冷.小菜.粉麵 (已結業)

滷味絕對是男人至愛，得閒同朋友去食返個滷味，飲杯啤酒，真係人生一大樂事。汕頭沙薑雞餐：沙薑雞醃得入味，雞肉嫩滑，又不會有肉雪味，雖然不是新鮮雞，但處理得不錯。滷水豆腐拼滷蛋煮得入味又不會過咸，加上清新的紫菜湯，幾十蚊一個人都好足夠。滷水拼盆：樣樣滷味都有齊，爽彈的墨魚、爽脆豬耳、紅腸及豆腐等等，送啤酒一流。南乳雞中翼：雞翼炸至外皮乾身脆口，表面灑上炸香蒜，有淡淡的南乳香，外脆內嫩，十分惹味。淨牛雜：牛雜有腸、肚、肺、膀，妏得夠腍又入味，下面還以生菜墊底。