Y Show Tasty (已結業)

我地經常都係起尖沙咀厚福街H8呢棟大廈搵食，今日想食西餐就黎呢間食下。 LUNCH MENU SET有呢幾款可供選擇，3 COURSE MENU。 我地要左餐湯，主菜加甜品，是日湯係南瓜湯，南瓜湯混入少許忌廉令質地夠滑，很喜歡餐湯夠熱。 主菜方面，本身好鍾意食牛扒，點左<紐西蘭西冷配野菌汁 $88>，呢個西冷牛扒富肉汁，肉味濃郁，野菌汁同西冷牛扒好夾，野菌汁令牛扒的味道提昇不少，除左牛扒好食之外，配菜同樣好味，有蘆筍，焗薯，椰菜花仲有蕃茄。 甜品有芝士蛋糕，食完主菜再食埋甜品，簡直係完美的句號，芝士蛋糕很軟滑，蛋糕唔會太甜。 餐飲最後再來一杯熱朱古力，甜度恰好，令人相當滿意，相信很快會再訪。