影片
更多
2017-04-22
1100 瀏覽
尖沙咀出名多選擇，周圍都係餐廳，要生存都唔係咁容易。 今次黎呢間餐廳主打雞煲火鍋， 雖然係地庫舖頭，但勝在地方夠大，同埋就腳！門口就係眾多既巴士站s, 食完仲可以坐喺餐廳慢慢下睇架車幾時到先至出嚟。今晚同朋友來得早，餐廳都未坐得滿， 我哋坐低咗之後就見有人陸陸續續咁入座。 大枱有，兩人細枱亦都有。$168任飲任食，先雞煲後火鍋，旺角唔少地方都做緊，尖沙咀就好少見。等緊雞煲嘅時候先上咗個點心拼盤。因為得兩個人，點心拼盤裏面有2樣嘢，唔會太多食滯咗而食唔落其他嘢。 蝦餃同粉果都做得幾出色，呢度晏就係可以食點心嘅！食完點心雞煲就上啦！時間預得啱啱好！廚師會就住兩人份量，磅返幾重既雞。我哋揀咗中辣，呢度唔係麻辣雞煲，所以個雞無麻嘅味道，咁樣夠惹味既辣男朋友反而仲更加喜歡！食完雞煲轉火鍋嘅時候，餐廳就會上一個火鍋拼盤&一個雜菜籃，裏面有各式各樣嘅嘢食，可以先食完呢個火鍋拼盤&菜籃之後先至再自己點額外嘅嘢食。 姐姐好貼心咁話：可以用返雞煲嗰個煲去打邊爐，如果唔鍾意嘅話佢可以換過個新煲畀我哋打邊爐都得！特別想提一提呢個醬料盤，好似一個花花盤咁，好靚呀 任食火鍋配料除咗頭先個火鍋拼盤上面嘅嘢食之处，仲
今晚同朋友來得早，餐廳都未坐得滿， 我哋坐低咗之後就見有人陸陸續續咁入座。 大枱有，兩人細枱亦都有。
$168任飲任食，先雞煲後火鍋，旺角唔少地方都做緊，尖沙咀就好少見。
等緊雞煲嘅時候先上咗個點心拼盤。因為得兩個人，點心拼盤裏面有2樣嘢，唔會太多食滯咗而食唔落其他嘢。 蝦餃同粉果都做得幾出色，呢度晏就係可以食點心嘅！
食完點心雞煲就上啦！時間預得啱啱好！廚師會就住兩人份量，磅返幾重既雞。我哋揀咗中辣，呢度唔係麻辣雞煲，所以個雞無麻嘅味道，咁樣夠惹味既辣男朋友反而仲更加喜歡！
食完雞煲轉火鍋嘅時候，餐廳就會上一個火鍋拼盤&一個雜菜籃，裏面有各式各樣嘅嘢食，可以先食完呢個火鍋拼盤&菜籃之後先至再自己點額外嘅嘢食。 姐姐好貼心咁話：可以用返雞煲嗰個煲去打邊爐，如果唔鍾意嘅話佢可以換過個新煲畀我哋打邊爐都得！
特別想提一提呢個醬料盤，好似一個花花盤咁，好靚呀
任食火鍋配料除咗頭先個火鍋拼盤上面嘅嘢食之处，仲有好多其他選擇！
我哋點左成枱都係野食，特别推介個魚片！脆肉鯇同埋魚片都好好食！而且你見我哋又encore咗個蝦丸同埋墨魚丸，就知道呢兩個手打丸幾咁真材實料啦！ 仲有特別一提嘅係，佢啲蝦全部都好新鮮！無死蝦
直到最後仲送咗紅棗糕做甜品，好味！
飲品櫃除咗啤酒汽水之外仲有好岩雞煲邊爐嘅酸梅湯！
張貼
