川味亭 (已結業)

係尖東p3出口一出就有間好道地既四川風味燒烤，好掛住充滿孜然粉同辣粉既燒烤哦~睇下餐廳分左幾大類，除左燒烤，仲有麻辣燙，錫紙系列，小食等等。。。。真係令人眼花撩亂。燒烤方面，叫左幾款品嚐。最推薦蒜蓉生蠔，一份有2隻，生蠔加蒜蓉呢個真係絕配，蠔好鮮甜，而且一啲腥味都無。燒韭菜，呢個真係我既最愛，韭菜表面滿佈孜然粉，好惹味，而家燒得岩岩好，唔會過熟。燒菠蘿，面頭有焦糖，咬落很甜又多汁，味道一流。呢度仲要必點麻辣燙，叫左c餐，可以揀6款餸。分別豬腸，鮮鵝腸，豬紅，牛舌，大蜆，肥牛。。。湯底揀左藤椒湯同小辣，辣度唔係好辣，薯粉係粗個種，嗦湯一流。錫紙系列就揀左冬菇，底下有大量粉絲同蒜蓉，再加上冬菇。冬菇同粉絲嗦晒湯底既味，超好食。食左甘又濃味既野，食番個甜品解下辣。當然唔少得四川冰粉。冰粉有啲似啫喱，再加上紅糖液同提子乾，甜甜地又有口感。