刺身
一定要講原隻嘅波士頓龍蝦，預先煮熟再冰鎮，肉質非常結實彈牙🦞 鱘魚籽醬都係另一款signature，味道鹹鮮，真係唔係度度有得食㗎😌 另外刺身方面我哋嗌咗甜蝦、赤海蝦、北海道鮮帶子、赤貝、希靈魚、油甘魚同埋三文魚🐟 金槍魚腩係超肥美，入口即溶。
壽司
食放題一般都少食壽司呢類飽肚嘅食物，但係呢日竟然有海膽軍艦，仲要選用日本海膽，都忍唔住食咗好多😳 其他特色嘅握壽司，花之戀、味噌醋劍魚腩、蟹肉蟹膏蟹籽軍艦、辣汁三文魚軍艦、鵝肝芝士鰻魚卷同埋鹽燒左口魚邊🍣 海膽拖羅鱈魚乾手卷飯嘅份量適中，配料超豐富，一啖食落去好滿足🥰
海鮮
呢度主打嘅海鮮都係回本之選，用上新鮮嘅蟶子皇、蟹同埋大頭蝦製作而成，真係嗌幾份都已經抵返晒😙 我哋試咗兩款勁惹味嘅避風塘炒蟹同埋XO醬蒜蓉粉絲蒸蟶子皇。川燒珍寶鮮蠔燒、油鹽焗大頭蝦、陳皮豉汁蒸鱔同埋花雕醉鮑魚都好有特色🦐
一品料理
用QR code落單嘢食物都有好多，全部都即叫製，好熱辣辣。我哋嗌咗勁多款，包括皇牌燒乳鴿王、殿堂級鐵板香煎鵝肝多士、西京燒比目魚、蒲燒鰻魚、燒香草羊鞍、鹽燒雞軟骨、燒牛舌、榴槤炸彈、芝麻雞翼同埋燒榴槤🤪 最鍾意鵝肝多士同埋燒榴槤，兩款都係食過返尋味㗎👍🏻
自助區
外面仲有一個範圍嘅冷盤前菜同埋新鮮水果等嘅食物自己攞，當中嘅麻辣雞腎同埋冰鎮豬手都係好正🙌🏻
甜品
除咗有一個排列整齊嘅甜品櫃之外，仲有個超過10款嘅雪糕櫃🍦 有movenpick雪糕、Häagen-Dazs雪糕同埋Milktop，真係淨係雪糕已經覺得好正☺️ 用QR code落單，仲可以嗌咗勁養生嘅海燕窩椰汁燉木瓜。
飲品
除咗有汽水同無糖茶之外，仲有啤酒、生啤、珍珠奶茶等嘅飲品🧋 真係啱晒唔同人嘅口味。
183
呢餐放題嘅食物種類好多，有啲有興趣嘅菜式都因為太飽而冇叫到，下次嚟一定要叫返嚟食先得啊🤤
