杏甜品 (香檳大廈) (已結業)

晏就係尖沙咀行完街突然想食甜品，決定去左係附近，好多朋友都推介嘅杏甜品。餐廳裝修木系為主好簡約舒服，幾啱打卡。餐廳店如其名，主打以杏仁為主嘅甜品，會以黑松露、燕窩等材料制成甜品，幾創新。另外都有提供普通嘅甜品。餐廳近期新出左杏仁茶吸吸系列，見到幾得意就決定叫左一杯同另外兩個甜品。🔻意大利黑松露芝麻杏仁茶吸吸 味道：7.5/10價錢：$68黑松露配搭芝麻同杏仁真係好創新，雖然聽落有少少怪，但飲落味道出奇地配搭，香濃嘅黑松露味，未飲已經聞到，再加上芝麻同杏仁味，唔錯！另外小丸子大細適中，幾有咬口。🔻椰皇湯丸燉雙皮奶味道：9/10價錢：$69好好食嘅雙皮奶，餐廳用上3.6北海道牛乳做雙皮奶底，飲落好香而且好滑，加上椰皇入面有超足料嘅椰肉同埋勁大粒嘅湯丸，真係好好食，極推薦俾大家！🔻芒果爽冰味道：8/10價錢：$52夏日炎炎緊係要食番個爽冰。芒果味濃，爽冰就算放係室溫到都唔會好快溶成水，芒果冰質感綿綿，食完涼透心，好啱夏日食。唯一美中不足就係如果果肉可以多番少少就好。