亞當麵館 (已結業)

約咗朋友去尖沙咀買嘢，覺得肚餓一齊去咗食車仔麵。亞當麵館位於尖沙咀樂道，地方寬落，整潔乾淨，主打港式車仔麵。亞當招牌車仔麵配幼麵，內有十款餸全部精選都有齊，有白蘿白、豆卜、牛丸、豬大腸、咖喱魚蛋、蠔皇花菇、腩片、芋𢇁、雞中翼、豬皮，每款食材都散發出醬香濃郁嘅色澤，而且味道鹹淡適中，火侯亦掌握到好好，食落香嫩可口好入味。熱辣辣的湯底，配沙嗲汁和辣汁，嚼勁十足的麵條，配上各種心水配料，真係大滿足！自選淨餸：豬紅、豬皮、雞中翼、豬大腸、陳皮咖喱魚蛋、日本溏心蛋、鮮腐竹，我最愛豬大腸及豬紅，滷得非常入味，又不會太爛，依舊有嚼勁。陳皮魚蛋爽口彈牙。沙嗲湯底濃郁非常，加上辣汁，更為惹味！香煎韮菜餃：煎餃表面金黃色、帶點焦香，餡料飽滿有鮮味。韮菜豬紅：濃濃的醬汁滲入一磚磚的軟腍豬紅中，豬紅口感鬆軟好入味，韭菜浸入濃汁好濃好惹味。雪碧、可樂、豆漿，跟餐飲品有優惠。