小肥羊 (已結業)

星期五去左小肥羊食野~一行5人,點左好多野食,....點知食左少少.....就覺得好熱~熱到無法子再食,但仲未知咩事咁熱,一問之下得知壞冷氣喎!大佬呀~打邊爐呀...會焗暈人架,陰公~好想即刻走,但仲有好多野食未食,唔係要我地埋單丫ma?於是叫左個女人埋黎...以為佢件衫唔同係經理啦,點知佢一開聲..講野又唔正,原全唔知佢講咩!叫佢搵負責人黎,又搵唔到~一味叫我地等.....等左一陣,都未見人,叫我地再等.d野根本食唔落~又比唔到交代我地,又唔比我地走...等左成個鐘先見個肥佬黎la..但都唔係處理我地先~事關門口仲有一大堆食唔落野o既人~一間鋪頭點可以無一個話得事o既人?最後都只係唔使比茶錢同9折= = 咁樣就係補償?我諗個肥佬早d 出現,應該無咁多人迫o係門口唔找數!我地都唔係搵著數,只係太熱,眼見d伙計同知客都身水身汗,佢地都好無奈!