自家製韓國刀削麵 (山林道)

營業中

休息中

原來呢間自家製韓國刀削麵부자칼국수，係李家集團旗下嘅餐廳。李家炸雞就食得多，呢間位於尖沙咀嘅韓式刀削麵就真係第一次嚟。雖然店舖坐位唔多，但環境乾淨舒適，坐位安排得宜。入面人流穩定，特別係晚飯時間，點餐同上菜效率高，放工約朋友聚餐都幾適合。🍝炸醬麵 $78炸醬麵份量十足，仲要超多醬料醬汁較濃同有些少甜味，入面有好多肉粒同洋蔥麵條好彈牙，同醬汁撈勻一齊食唔會過膩🍜牛骨湯刀削麵 $78牛骨湯清香又鮮甜，刀削麵Q彈又有咬口（同炸醬麵嘅麵條唔同嫁）入面仲有六塊牛展，口感軟熟幾唔錯🥟雙拼餃子 $58雙拼餃子真係亮點，好鬼大隻一籠有兩隻豬肉餃同兩隻泡菜餃豬肉餃稱得上皮薄餡靚，有肉汁之餘仲有粉絲增添口感點埋醋味道瞬間提升不過我最鐘意都係泡菜餃，辣味十足滿滿嘅泡菜咬落去非常爽脆總結：放工約朋友嚟食刀削麵都唔錯，性價比高，麵條都有唔同款式，不過淨係隻大泡菜餃都值得嚟食多次。