White Button Cafe & Dessert (已結業)

約朋友食下午茶 見近期好多人去white button 就一於去試下啦 星期日下午4:00 唔算好多人 唔洗等位 一開始做sofa枱 2邊都有人 有點嘈 轉左高枱 舒服好多 叫左個蕃茄辣肉腸意粉 strawberry pancake 同雞翼 3樣都好滿意 佢嘅蕃茄意粉改變左我淨係鍾意食白汁意粉嘅態度 第一佢好足料 蕃茄唔係淨係茄汁 有蕃茄蓉 好多菇好多腸 而且意粉煮得比平時食嘅生小少 不嬲要食好淋野食嘅我 竟然覺得好okay ah 生少少反而有d𡁻口 好難得地覺得好好食呀! 而個strawberry pancake 又係好surprise 上面有個strawberry ice cream加cream 加埋pancake唔太乾同chocolate sauce good good 雞翼係後加嘅 炸得好合時上枱熱辣辣而好入味 又無一口油嘅感覺加上芝麻好香 整體感覺好好 值得再黎