樂園 (已搬遷) 新店位置

上次同個frd去左尖沙咀既一間cafe 樂園，主菜就食左黑松露野菌意大利飯，我自己覺得唔錯，尤其佢加左黑松露令成碟飯香好多。另一碟就係蕃茄汁大蝦意粉，一上菜見到佢個smile已經覺得呢間餐廳既用心，食落個汁就略甜左少少，令到個味道俾個甜味遮左，寡左啲，不過另一碟飯同佢唔同汁，所以食落都唔錯。再嗌左碟黑毛豬炸薯條。薯條黎講唔係最hea既幼薯條，我已經覺得好欣慰，黑毛豬亦都整得幾好食，無論個texture定係加左黑淑既味道都令到成塊扒好好味。小食就食左炸魚手指，真係出面食開果啲炸魚手指，但誠意可加既係佢會再加啲沙律連黑醋，俾到驚喜你之餘又可以食下菜。最後就係我杯野飲：金莎朱古力沙冰 果然係推介，真係好好味，首先朱古力味好濃郁，飲落去係keep住有朱古力碎入你口，當然頂果粒金莎都係畫龍點睛啦。整體黎講 以cafe既水準係中上，最緊要係佢既菜都好有誠意好有心思，服務亦都好好，食得好滿足既一餐。