因為有book位所以當晚坐近窗口位，個夜景靚到望咗好耐。
一坐低佢地就比咗個前菜蕃茄仔，雪凍咗的車厘茄，口感好特別
另外仲比咗一杯shot我地，係菠蘿味都幾好飲！💂🏼♀️《椒麻南非鮮鮑》$208
呢個鮑魚十分出色，個擺碟已經好吸引，鮑魚都十分之大隻，另外有椒麻醬係上面！食落去除咗有鮑魚嘅鮮味仲辣辣地，好開胃
💂🏼♀️《敲糖棒棒雞》$228
呢個係必點菜式，有粒紅色嘅焦糖樽仔係面，店員會幫你敲碎，入面裝住少少辣椒油！撈勻啲雞食，就好似麻辣手撕雞咁
食食吓咬到啲焦糖甜甜地又脆好過癮👍🏻💂🏼♀️《酸菜桂花魚》$598
酸菜湯好開胃亦都好入味，啲魚好鮮嫩好滑，拎嚟撈飯一流，份量好多，另外仲有啲薯粉係底❤️2個人食都好夠。
💂🏼♀️《辣子雞》$228
辣子雞炸到好香脆，食得多都唔會膩，全部川菜都做到好正式，啲雞丁細細粒，拎黎送飯/拌麵都很吸引
整體每一個菜式都好好食，份量亦都好充足，加埋呢個海景真係加哂分！價錢會比出面川菜餐廳貴少少，但係服務同埋環境一流
頒發軍階:上將🎖🎖🎖🎖
1
