牛排骨湯飯🍲 $145
超級推薦呢個!! 入面有海量嘅牛排骨 每一舊都啖啖肉 唔會得鵬骨🤣🤣 仲有啲白蘿蔔做配料 牛骨炆得好腍好嫩 肥瘦適中 每一啖都保留到牛嘅肉汁! 個湯都好入味 送飯一流!
甜酸豬肉 $125
呢個都好推薦大家試吓😚😚份量好大 有好多舊豬肉~ 雖然肉被醬汁包住 但個皮仍然保持到香脆~ 咬落去入面嘅口感有少少似麥樂雞🤣 而個醬就酸酸甜甜 相比起港式咕嚕肉冇咁酸 食落去開胃又香口🤤🤤
薯仔煎餅🥔 $130
每一啖都係薯仔嘅香味 外皮煎香左 而咬落去入面係有少少煙煙韌韌咁~
雞蛋糕🥚🥚 $68
呢個其實係韓式蒸蛋 佢係即叫即整所以上枱嘅時候會脹卜卜~ 要趁熱食!! 質感係比較紮實嘅蒸蛋 蛋味濃郁~
整體來講質素真係唔錯~ 另外佢亦都有提供韓式烤肉 下次嚟到不妨試吓👍👍
