影片
更多
2025-08-06
0 瀏覽
喺尖沙咀想搵間性價比高、方便又多選擇既燒肉舖，「驚安燒肉商店」會係不錯之選。最搶眼一定係，一碟$8就有16塊，燒到香脆、有咬口，味道淡中帶鮮，呢個價錢真心無得輸。之後再推介一下呢度其他特色： - $388一個價錢，可以試盡和牛幾個唔同部位，配搭埋豚肉同海鮮，選擇多元化。和牛三角腩： 油花分佈夠平均，肉同油交錯感覺豐富。和牛五花： 油分高，入口嫩滑。牛頸脊： 油較少，肉味突出。厚切牛舌芯： 外脆內軟，層次分明，只有厚切牛舌先有呢種質感。一口牛： 粒粒成形，肉質柔韌，份量都唔少。韓式護心肉： 醬料香濃，肉質嫩滑。栗子豬五花： 表面燒到微脆，無豬膻味。鮮雞爽肉： 食落帶少少筋，啖啖肉，雞軟骨感覺幾特別。活白鱔： 鮮味突出，無泥味，肉質彈牙，骨唔多，處理得幾好。 - $98由店員即席代燒，見到和牛油花分佈靚仔。燒至半生熟之後，配上「黑松露生雞蛋醬汁」，牛肉同醬汁味道好夾，質感幼滑，而且醬汁亦可以用嚟點其他燒肉，味道層次更豐富。 - $48名副其實的「雞肉山」，份量相當足。雞肉帶少少柚子酸甜味，食落清新無雪味，加埋少少蒜蓉一齊食，特別開胃，價錢都幾親民。總結嚟講，「驚安燒肉商店」提供多元肉類同合
最搶眼一定係[全港最平牛舌!!!]，一碟$8就有16塊，燒到香脆、有咬口，味道淡中帶鮮，呢個價錢真心無得輸。
之後再推介一下呢度其他特色：
[九宮格‧上] - $388
一個價錢，可以試盡和牛幾個唔同部位，配搭埋豚肉同海鮮，選擇多元化。
和牛三角腩： 油花分佈夠平均，肉同油交錯感覺豐富。
和牛五花： 油分高，入口嫩滑。
牛頸脊： 油較少，肉味突出。
厚切牛舌芯： 外脆內軟，層次分明，只有厚切牛舌先有呢種質感。
一口牛： 粒粒成形，肉質柔韌，份量都唔少。
韓式護心肉： 醬料香濃，肉質嫩滑。
栗子豬五花： 表面燒到微脆，無豬膻味。
鮮雞爽肉： 食落帶少少筋，啖啖肉，雞軟骨感覺幾特別。
活白鱔： 鮮味突出，無泥味，肉質彈牙，骨唔多，處理得幾好。
[和牛壽喜燒] - $98
由店員即席代燒，見到和牛油花分佈靚仔。燒至半生熟之後，配上「黑松露生雞蛋醬汁」，牛肉同醬汁味道好夾，質感幼滑，而且醬汁亦可以用嚟點其他燒肉，味道層次更豐富。
[柚子漬雞肉山] - $48
名副其實的「雞肉山」，份量相當足。雞肉帶少少柚子酸甜味，食落清新無雪味，加埋少少蒜蓉一齊食，特別開胃，價錢都幾親民。
總結嚟講，「驚安燒肉商店」提供多元肉類同合理價錢，無論係小聚或者想專注食靚燒肉，都幾方便。最好係呢度的燒肉無論係和牛或其他種類的燒肉都各有特色，得閒快啲同朋友嚟試試!
張貼
