新竹園軒

營業中

休息中

尖沙咀想食中菜嘅話就一定要試吓呢間新竹園軒！餐廳環境都幾舒適，坐得舒服，同埋非常光猛凍藥膳鳳爪⬅️雞腳好入味應該煮嘅時間係好夠，雞腳好淋好容易咬👍🏽話梅凍豬手⬅️豬手好淋，啲話梅味入晒落隻豬手到，凍凍哋咁食真係好好味😋芝士龍蝦伊麵⬅️成碟龍蝦超巨型，多件龍蝦肉，連蝦頭、蝦尾都一齊上菜，超震撼！龍蝦🦞目測都有斤半重，啖啖肉鮮甜爽口。上湯龍蝦汁配伊麵簡直絕配，餐廳仲落左唔少芝士提味，醬汁沾滿每條伊麵，令人食指大動👍🏽👍🏽👍🏽菠蘿咕嚕肉⬅️賣相靚仔！每件肉都炸到脆卜卜，梅頭肉口感超正，每件咕嚕肉都被甜酸汁均勻包裹，火🔥喉十足，甜酸度適中，令人食完一舊又一舊😁當紅炸子雞⬅️都幾大隻夠份量，雞皮炸到脆卜卜，可以咬到索索聲，唔會有肥脂肪痴住雞肉，雞肉嫩滑，肉汁鮮甜，水分十足，就算雞胸位都唔會乾柴！可見功力十足💪🏽