港青咖啡座

營業中

休息中

YMCA裡面Mall Cafe嘅三層下午茶架七折後只需$166.6，仲係2⃣️位用，比你坐三粒鐘，真係超值到不得了。呢度環境寛敞又寧靜，枱與枱之間距離寬闊，私隱度算係高，可以邊傾密計邊進食😆。我欣賞呢個下午茶嘅地方係鹹甜食品比例各佔一半，而且甜品亦唔會太甜太膩。鹹點有三文魚、吞拿魚、肉丸，食物味道就正正常常，唔會有驚喜。甜品就有朱古力撻丶brownie丶士多啤梨、迷你鬆餅，全部都唔會太甜，份量亦恰到好處。講到服務及衛生程度佢真係同四星酒店差不多，係一間值得回頭光顧嘅餐廳。