PHI Coffee & Pancake (尖沙咀中心)

座落係尖東又鄰近海旁嘅尖東地舖，採用落地玻璃，成個環境都都覺得好chill好有空間感，非常之舒適～

❤️泰式梳乎芒果糯米飯 hkd 138
欣賞佢勁多芒果🥭而且芒果少酸得嚟都甜，配埋招牌軟熟梳乎厘，好夏天啊～

❤️ 椰香冬蔭功海鮮意粉 hkd 126
冬蔭功個汁夠辣都多汁，所以意粉好入味！海鮮仲有青口、魷魚同埋蝦！新鮮呀！

❤️漢堡扒全日早餐 hkd 156
有成半粒新鮮冇變點牛油果同埋兩個玫瑰花形嘅煙三文魚，都係我嘅至愛！仲有麵包都用牛油烘嘅，所以全部都好好食😋

佢啲特飲都好推介，糯米芒芒椰奶沙冰唔會太甜，有啲似芒果糯米飯感覺。香葉檸檬特飲有用青檸同埋檸檬配梳打，非常清新！