影片
更多
2022-08-29
873 瀏覽
今日有事要過嚟尖東，中午約埋喺附近返工嘅朋友一齊食晏。由友人帶路，嚟咗半島中心地下呢間「Fog Bar & Restaurant」。聽朋友講，餐廳喺尖東海傍落腳超過 10 年，主打意大利同中東菜。店舖設有室內和戶外座位，旁邊嘅用餐區滿佈植物盆栽，猶如一個秘密小花園，環境十分寫意。我哋點咗兩個套餐，另外再加咗一客小食手工焗蒜蓉包 ($78)。蒜蓉包新鮮即烘，送上時仍熱辣辣，芝士下得非常慷慨，入口外脆內軟，味道和口感都相當好。Italian Combo Set ($88)：套餐包 3 個 course，我哋揀咗意大利蕃茄濃湯 同 夏威夷烤雞肉手拉薄餅。蕃茄湯飲落好香濃，味道酸中帶鮮甜，美味。Pizza 嘅粉糰以全人手每日新鮮即製，餅底食落好香脆，面頭嘅用料亦毫不手軟，除了嫩滑嘅雞肉外，仲有三色甜椒、菠蘿同勁量芝士，非常足料，拎起更有拉絲效果，真係啖啖都咁「芝」味！至於 Italian Deluxe Set ($100) 就包 4 道菜，揀咗意大利雜菜濃湯 同 招牌香濃白汁雞皇意粉。意粉煮得啱啱好，外面軟、圓心中央有少許半生熟，食落夠晒彈牙。白汁嘅味道亦非常討好，入口濃香不膩，配埋健康有營嘅
今日有事要過嚟尖東，中午約埋喺附近返工嘅朋友一齊食晏。由友人帶路，嚟咗半島中心地下呢間「Fog Bar & Restaurant」。
聽朋友講，餐廳喺尖東海傍落腳超過 10 年，主打意大利同中東菜。店舖設有室內和戶外座位，旁邊嘅用餐區滿佈植物盆栽，猶如一個秘密小花園，環境十分寫意。
我哋點咗兩個套餐，另外再加咗一客小食手工焗蒜蓉包 ($78)。蒜蓉包新鮮即烘，送上時仍熱辣辣，芝士下得非常慷慨，入口外脆內軟，味道和口感都相當好。
Italian Combo Set ($88)：套餐包 3 個 course，我哋揀咗意大利蕃茄濃湯 同 夏威夷烤雞肉手拉薄餅。蕃茄湯飲落好香濃，味道酸中帶鮮甜，美味。
Pizza 嘅粉糰以全人手每日新鮮即製，餅底食落好香脆，面頭嘅用料亦毫不手軟，除了嫩滑嘅雞肉外，仲有三色甜椒、菠蘿同勁量芝士，非常足料，拎起更有拉絲效果，真係啖啖都咁「芝」味！
至於 Italian Deluxe Set ($100) 就包 4 道菜，揀咗意大利雜菜濃湯 同 招牌香濃白汁雞皇意粉。
意粉煮得啱啱好，外面軟、圓心中央有少許半生熟，食落夠晒彈牙。白汁嘅味道亦非常討好，入口濃香不膩，配埋健康有營嘅雞肉、豆角同西蘭花，份量十足，滋味滿分。
套餐包餐飲，飲品嘅選擇好豐富，除咗咖啡、檸茶檸水、橙汁、汽水等之外，仲有生啤同紅白餐酒可供選擇。
最後梗係要食埋是日嘅精選甜品先走，外形小巧的骰，精緻得幾乎捨不得吃。
張貼
