影片
更多
2023-03-25
52 瀏覽
喺bar掟飛鏢就見得多，但喺bar一路掟鏢一路打冷你又試過未？🤩 位於尖東嘅港式酒吧TON 180就提供呢個咁新奇有趣又好玩嘅combo，估唔到掟鏢比想像中容易同好玩，真係好過癮🎯🌃 環境 (3/5)酒吧喺尖東嘅半島中心裏面，半島中心個地庫超大，都要行一陣先搵到間bar😆 行到地庫中間一定會見到一間超大間嘅長金會所傳統中式餐廳，間bar就喺隔離㗎咋，沿住餐廳行就到㗎啦😚雖然佢嘅門面比較簡陋，但入到去又係另一番感覺😯 酒吧行工業風，casual得黎幾modern～ 裏面都幾寬敞，大部份都係梳化位，坐得幾舒服😌 而且有5部飛鏢機，可以齊齊玩唔洗爭🎯 酒吧裏面可以食煙，如果好介意有煙味嘅就要留意啦👀😋 食物/ 酒水 (4/5)🦢 鹵水鵝片 $118🦪 必食潮州煎蠔餅 $78🦑 椒鹽鮮魷 $88🍺 啤酒 700ml $88🍸 逢星期3/6 Ladies Night Cocktail任飲 $108/pp🌟重點推介cocktail🌟🍋 Kamikaze🍸 Lychee Martini🍹 Malibu Sunrise💃🏻 Sex on the Beach潮州打冷點少得鹵水鵝片呢🦢 一上碟見啲顏色唔係
🌃 環境 (3/5)
酒吧喺尖東嘅半島中心裏面，半島中心個地庫超大，都要行一陣先搵到間bar😆 行到地庫中間一定會見到一間超大間嘅長金會所傳統中式餐廳，間bar就喺隔離㗎咋，沿住餐廳行就到㗎啦😚
雖然佢嘅門面比較簡陋，但入到去又係另一番感覺😯 酒吧行工業風，casual得黎幾modern～ 裏面都幾寬敞，大部份都係梳化位，坐得幾舒服😌 而且有5部飛鏢機，可以齊齊玩唔洗爭🎯 酒吧裏面可以食煙，如果好介意有煙味嘅就要留意啦👀
😋 食物/ 酒水 (4/5)
🦢 鹵水鵝片 $118
🦪 必食潮州煎蠔餅 $78
🦑 椒鹽鮮魷 $88
🍺 啤酒 700ml $88
🍸 逢星期3/6 Ladies Night Cocktail任飲 $108/pp
🌟重點推介cocktail🌟
🍋 Kamikaze
🍸 Lychee Martini
🍹 Malibu Sunrise
💃🏻 Sex on the Beach
潮州打冷點少得鹵水鵝片呢🦢 一上碟見啲顏色唔係好深以為會唔夠入味，點知食落完全無呢個問題🤩 鹵水味好重，鵝片份量多又唔鞋😛 底層仲舖咗鹵水豆腐同芽菜，啲配料吸收晒鵝汁同鹵水汁嘅精華，有油香又入味，非常唔錯👍🏻
潮州煎蠔餅絕對係必食item❤️🔥 蠔餅大大塊，煎得外脆內軟，味道鹹鮮🔥 食蠔餅最怕食到成舊都係粉濫竽充數，而TON 180嘅蠔餅超足料，每一啖都有蠔肉，大滿足🥰 配蠔餅嘅魚露都幾鹹，建議大家食個陣蘸少少試味先🤏🏻
另外仲嗌咗椒鹽鮮魷🦑 魷魚好大碟好多舊，魷魚炸得啱啱好唔會過韌🔥 呢道菜香口又惹味，餸啤酒一流🍻
TON180嘅另一個highlight當然係酒啦🥂 呢度嘅酒性價比極高，而且Happy Hour都做到好夜，無論啤酒定cocktail都好抵飲💰
女仔一定要趁星期3/6夜晚黎試吓佢哋嘅cocktail🍹 $108有超過20款cocktail全晚任飲，飲返2-3杯已經回本🤪 大推Kamikaze💛
檸檬味酸酸甜甜啱啱蓋過cocktail嘅酒精味，好易入口又清爽，我後尾仲忍唔住encore🍋 另外Lychee Martini都好唔錯🍸 杯cocktail有好多荔枝肉，而且賣相好靚，打卡一流📷
💰 價錢 (5/5)
Average price $300/pp
TON 180有得食有得飲仲有得玩，所有嘢做齊每人都只係大約$300，抵到爛😛 如果星期3/6黎，靚女們仲可以嗌$108 cocktail freeflow，飲幾多都得，超適合一大班朋友黎玩 (or劈🙈) 🥂🍻
張貼
