妹記大排檔 (已搬遷) 新店位置

行完新世界, 過左馬路入黎加連威老道一帶食飯, 由緬甸臺開始, 經過赫德道, 一路在橫街找食, 行到厚福街, 被一間北方小館吸引了, 幸好只是停一停, 看了走, 再由信義街直行至金巴利街, 發現了我多次找不著的韓國街, 再找到這聞名已久的妹記.安排了位子坐低, 想食東又想食西, 看見隔離檯叫了一個炒辣椒. 問了伙記, 是豉汁少虎椒, 另外想了很久才想到上湯豆腐墨魚滑煲, 南乳香酥骨, 再炒多碟清菜.個辣椒, 豉汁一流, 辣椒又不算太辣, 味道送飯, 一流. 豆腐墨魚滑煲, 非常清淡, 墨魚滑內有馬蹄, 食得出是是自制的. 香酥骨, 細細粒, 加埋個南乳汁, 香口異常.地方是大排檔, 找到一個卡位, 比圓檯摺凳舒適, 伙記亦好有心機解釋介紹有乜好食. 有位印巴籍傳菜, 有時唔知佢是普通伙記與否, 叫佢埋單. 佢都好落力, 同我地走左去Cashier叫姐仔來收錢, 亦遠遠打眼色話已經叫了Cashier, 非常盡職.埋單$180 抵食!!