漢城美食 (已結業)

『大長今熱』見呢排行緊大長今熱，就走去金巴利街搵食，這條街的韓國菜館都算集中，而大部份都係由韓國人開的，沒有那種港式變種韓燒，這裡隨便入一間，相信裡頭的食物都會有番咁上下韓國風味。對面的清溪川、莊園等就聽得多，想搵間冷門的，今次就去了這間看起來毫不顯眼，細得黎有點像快餐廳的韓國食店試下。向個完全韓國的老婆婆落呵打，靠手指指啦。叫左個韓國特色麵試下，前菜離不過開辣泡菜，冷冰冰、辣味夠，咬落索索聲，唔錯。特色麵其實係冷麵，用的像天使麵一類，除了一點清瓜外就沒有其他配菜，只有辣汁撈埋一齊，微辣帶點酸，麵質爽滑，清清地都幾可口。食著看著，要離鄉別井到人家的地方賺錢，看來真係少點大長今的毅力都唔掂。