牛蓋

營業中

休息中

朋友話想食慢煮牛，咁啱經過呢間，就入去試吓。鋪頭細細，座位唔多，繁忙時間應該都要等下位。但今日下午三點左右去，都有空位。見到店名，都知道係主打牛，但都有啲雞選擇。咁呢間餐廳，係自助式，需要先比錢落單。落完單之後，就會俾個感應器，感應器一響，代表個餐整完，需要自己出去攞。茶水、筷子、其他調味等，都係需要自己攞。咁其實店員好好，落單嗰時都有提及，牛嘅話需要等15至20分鐘，都有個心理準備比客人。咁呢個係我叫嘅，牛扒胡麻撈烏冬。其實整體都唔錯，但烏冬就太熱，冇過冷河，冇咁彈牙，牛就有陣甜甜的味道，幾好食。而呢個飯係朋友叫嘅，佢就話普通冇咩特別，牛就有啲韌。整體來講就普通，價錢偏貴，收咁貴，又要自助，就好似唔太抵。