每台一盤嘅烤牛同烤豬充滿肉汁，完全唔使點任何醬，夾生菜食一流，可惜剩係得一盤
烤和牛漢堡係我全場最鍾意嘅一款，個牛味濃到不得了，一咬落去肉汁同香氣爆出嚟，完全唔係一般 buffet 嘅質素。
另一款驚喜係 鮑魚粥：
入口溫柔綿滑，鮑魚香味好足，食一啖真係好似去咗濟州，帶住淡淡韓國味道，好暖胃。
燉人蔘雞湯都超出預期，個回甘味勁重又自然，唔會苦，飲咗兩大碗都唔覺膩，冬天飲住好舒服。
冷盤方面亦無失手，海鮮全部都好新鮮，特別係 龍蝦，好彈牙、仲有膏，完全值得返兜。
服務方面都要加分：
侍應收碟好快，細節位做得好好，會主動添水、仲主動 遞濕紙巾，整體感覺好貼心。
再加上 環境一流，坐喺窗邊仲望到海景，食到心情都特別靚。
《大灣咖啡廳》呢個韓式主題自助餐真係有誠意，味道有水準、選擇特別、環境又好，值得專程去試一次！
