Mee...lemongrass (已結業)

去食東南亞菜就一定要去呢一間Mee...Lemongrass~好多人都話啲海南雞飯同喇沙做得非常之好，而且價錢都好抵食當然要去試吓啦，首先叫咗個海南雞喇沙啲雞好滑，份量都唔細下仲要冇骨，抵讚。個喇沙都做得非常之香，都好足料。之後又叫咗個串燒拼盤，啲串燒燒得啱啱好，唔會好乾身，再配埋好多唔同配料好似麵包青瓜菠蘿等等，加埋個沙嗲醬食就prefect仲叫咗個泰式豬頸肉又係大分夾抵食，雖然個肉有少少乾，不過配埋個醬酸酸辣辣咁都好好食。最後有個軟殼蟹米紙卷，呢個組合健康得黎又有少少脆脆地，加埋啲新鮮嘅羅馬生菜好fresh總括嚟講呢間餐廳質素唔錯，而且價錢又抵食，下次再試下其他野先