半糖主義 (已易手) 新餐廳

去開西區，想食甜品，見呢間主打「半糖」，似幾健康，就同友人入去試。一入舖頭就見到好靚嘅霓虹燈店名，整間舖頭佈置得好用心，好適合打卡影相。點左兩杯花茶解渴。菠蘿荔枝茉莉花茶的酸味同荔枝甜味混和後，再加上茉莉花的清香，飲落好有層次。而士多啤梨白桃鮮果花茶內有藍莓，整體味道偏甜。另外餐廳提供鐵飲管支持環保，值得一讚。甜品方面點左原味梳乎理班戟，因為係即叫即整，所以要等約三十分鐘先有得食。班戟味道唔算太甜，入口好柔軟，淋上士多啤梨醬加埋士多啤梨，感覺好清新。可以淋上甜甜的牛奶，sweet sweet士多啤梨窩夫厚身且外脆內軟，微暖的窩夫配上冰冷的雪糕食口感不錯。