海南少爺 (已結業)

呢間少爺餐廳之前裝修，趁住開番無幾耐即刻去食番阿叔最鍾意食嘅「海南雞飯」🐔先。.招牌菜 #海南雞飯 ($99)，雖然肥，但的而且確好難抗拒嗰碗雞油飯🍚，採用泰國米，加入醬汁，再以雞湯、香茅及斑蘭一齊煮，香噴噴🤤，非常好味。海南雞係用三黃雞烹製，雞皮爽滑，雞肉肉質鮮嫩。呢個價錢絕對抵食。👍🏼👍🏼👍🏼.另叫兩款小食伴飯 #香茅蜜糖單骨雞翼 ($52)，炸過後嘅單骨雞翼非常香脆，雞肉都幾滑，不過味道無太大驚喜😅。反而阿叔比較鍾意 #海鮮釀油條 ($68)，油條鬆化，中間釀咗蝦膠，食落好惹味！😘