金裝燉奶佬餐廳 (大圍道) (已結業)

話說踩完單車，好累好肚餓，志在搵間餐廳醫肚，見此店門面ok，於是入去試下~見佢啲餐牌好似標榜少油健康煮食之類......此店是樓高兩層複式設計，樓上環境一般，冷氣不夠座位與座位之間較逼，不過尚算光淨企理~我叫咗個蜆汁西冷夫排配白飯，蜆肉應該係雪藏嘅，鮮味不夠，而個西冷煮得尚算淋身，醃得亦夠入味，挺不錯，可惜成個汁同食物嘅味道略為鹹得滯，食完feel到好口渴~對於此店標榜嘅健康煮食，實在是相違背........女友叫咗個咖喱汁蛋包飯配蝦天婦羅及牛排，咖喱汁唔夠，蝦天婦羅嘅粉漿太厚，而且蝦本身嘅味道只屬一般，牛排算淋身，不過都係同一個問題 - 鹹得滯~至於蛋包飯就最失敗，純粹將白飯塞入煎蛋裡面，毫無誠意~我諗炒飯底會好d囉，如果唔係就同煎蛋跟白飯無分別~整體嚟講 - 唔掂~唔會再試!