芝加哥串燒酒場 (明雲閣)

今天約了朋友去Happy hour，行開元朗，睇下附近有無好的酒吧，同朋友飲返兩杯。行過教育路，轉左入內街，見到有間有串燒食的酒吧，價錢又實惠，即刻入去試下。兩個人，先叫了杯一番生啤，飲住兩啖再慢慢落單。這間酒吧竟然主打不是西餐，是串燒，可以選不同辣度。牛扒肉嫩，肉汁豐富。蔥燒扇貝，黑色豬腩串，配上孜然粉，好味！韮菜燒，多汁好食。厚切牛舌，口感一流。原隻魷魚串，魷魚不乾，鮮甜。牛肉䓤串、玉子燒、雞肉軟骨棒，送酒一流。燒豬大腸，羊肉串，，配上紅椒粉，辣度剛剛好。鹽燒雞翼，外脆內嫩。招牌茄子燒有驚喜，完全唔似酒吧出品。場內仲有英超直播，下次約多幾個，睇波加串燒，一流！5:00 前而家仲做緊生啤買一送一，超抵！