花園餐廳 (東廣場) (已結業)

今天又要上堂。在觀塘中午時份找一間食店吃飯不容易，見東廣場有「花園餐廳」以前都有在旺角分店食飯，印象都可以，於是搭扶手電上去，不過今次覺得好似有少少"中伏"......我點了紐西蘭肉眼牛扒配薯菜、忌廉湯及熱奶茶。主菜放在枱上，賣相幾好。牛扒是薄切，好"細塊"。食起來有點韌，似乎煮得太耐過了火候，肉質變老。小白菜翠綠，好新鮮；用清湯淆制過，好好味。蕃茄仔，好有鮮茄的酸味。粟米粒夠鮮甜。所有配菜好有田園風味。不過，薯條，好難入口，又凍又腍，還沒有味道。驟眼看湯面上有一層薄薄的肥油，暖暖地，飲落淡而無味。餐飽，食起來好有口感豐富，甜甜地。熱奶茶，夠熱。紅茶跟奶茶分量比例適中，夠香滑。餐廳內部環境美觀，座位好狹窄。侍應服務態度友善，落單及送餐時間夠快。食物質素差了有點失落。