影片
更多
2021-05-08
2146 瀏覽
Bookmark左好耐（因為全間都係粉紅色為主），今日難得行開SOGO感謝祭，就順便過埋嚟食個甜品！👍🏻奶油捲草莓、草莓朱古力、鮮芒果奶油捲，任何配搭都係$72/4件。每一件嘅外層都用鬆鬆軟軟嘅蛋糕捲着，裡面唧上幼滑嘅奶油，忌廉份量雖然都幾多，但食落甜而不膩，望兩眼都已經流晒口水。餐廳仲配上一個粉紅色嘅托盤，打卡一流。水果份量雖然唔係好多，不過水果嘅鮮甜都融入到整份甜品當中，特別係芒果細細粒好多汁，聞落已經有果香味！👍🏻草莓牛奶樽身好靚，飲落會有少少甜，不過粒粒香甜馥郁既士多啤梨肉亦都可以中和返。奶味幾濃，同時亦都聞到士多啤梨嘅果香，一啖蛋糕一啖飲品真係有好幸福嘅感覺。（ 不過士多啤梨肉會沉底，建議飲之前記住搖一搖！）👍🏻美式咖啡食咗咁多甜嘢，用杯咖啡解一解甜膩口都係唔錯嘅選擇。咖啡偏向酸有淡淡花香味。👍🏻👍🏻環境超級少女、夢幻、童話，唔願走(´▽｀)💡蛋糕賣相精緻，的確好適合做散水餅或者送禮，放喺婚禮上面做迎賓小食都唔錯(*¯︶¯*)
👍🏻奶油捲
草莓、草莓朱古力、鮮芒果奶油捲，任何配搭都係$72/4件。每一件嘅外層都用鬆鬆軟軟嘅蛋糕捲着，裡面唧上幼滑嘅奶油，忌廉份量雖然都幾多，但食落甜而不膩，望兩眼都已經流晒口水。餐廳仲配上一個粉紅色嘅托盤，打卡一流。
水果份量雖然唔係好多，不過水果嘅鮮甜都融入到整份甜品當中，特別係芒果細細粒好多汁，聞落已經有果香味！
👍🏻草莓牛奶
樽身好靚，飲落會有少少甜，不過粒粒香甜馥郁既士多啤梨肉亦都可以中和返。奶味幾濃，同時亦都聞到士多啤梨嘅果香，一啖蛋糕一啖飲品真係有好幸福嘅感覺。（ 不過士多啤梨肉會沉底，建議飲之前記住搖一搖！）
👍🏻美式咖啡
食咗咁多甜嘢，用杯咖啡解一解甜膩口都係唔錯嘅選擇。咖啡偏向酸有淡淡花香味。
👍🏻👍🏻環境超級少女、夢幻、童話，唔願走(´▽｀)
💡蛋糕賣相精緻，的確好適合做散水餅或者送禮，放喺婚禮上面做迎賓小食都唔錯(*¯︶¯*)
張貼
