巢私厨川菜 (已結業)

一到冬天就想食辣嘢，今次就去咗食川菜😎係銅鑼灣c 出口，好近，好快就到環境清幽，坐落都好舒服😌蒜辣小龍蝦🦞10隻 （中款）$15/隻好少餐廳有小龍蝦可以食，見到難得有小龍蝦都心思思。呢度小龍蝦有分三個size，大中細。細款就$10隻，價錢都好合理。有唔同嘅味道可以揀，之前睇開電視，見到好多人都揀麻辣或者蒜辣。今次就揀咗蒜香，好多好多蒜泥。佢唔會好似麻辣咁辣，醇香入味，色澤都好誘人，蒜泥香噴噴，好正。小龍蝦細細隻，其實就冇咩肉，但勝在香味，一邊食一邊睇電視真係一流。饞嘴牛蛙 $148我哋叫咗微辣，牛蛙就係田雞。呢一道菜係麻辣味，之前食過好多次嘅麻辣食物，覺得今次嘅醬汁係比較濃郁，潔身。食落去麻味比較重，覺得花椒味多，食得好過癮。同埋個田雞，肉質滑嫩，入味。入面材料都好豐富，有木耳、萵筍、節瓜等，食得耐就越入味。黃金炸饅頭 $25/3個突然好想食炸饅頭加煉奶。見到黃金色嘅饅頭都好開心，呢個炸饅頭底面好香脆，饅頭身就比較軟熟，識落唔會覺得好熱氣。巢炒桂花 $128一直唔知呢一個係咩菜式，見到原來係雞蛋、洋蔥、粉絲等材料炒，睇落好似一個鳥巢咁。食完仲有時令水果有蓮霧、車厘子🍒、同提子🍇好新鮮，