諾亞半熟蛋糕專門店 (已結業)

週末喺九龍城食完泰菜，突然之間想食芝士蛋糕，記得喺九龍城有間諾亞，諗吓不如買個芝士蛋糕拎返屋企慢慢嘆。去到玻璃櫃被小黃鴨可愛模樣吸引，根據餐廳描述小黃鴨係檸檬半熟芝士蛋糕，用新鮮檸檬汁做。以前食過諾亞蛋糕甜味好輕，呢個蛋糕可能酸味重啲，應該唔會好飽滯。返到屋企切開食，果然新鮮檸檬味重，甜味好輕。蛋糕切開中間半溶心芝士下榻，好難切得完整。上面小黃鴨用朱古力做，比較硬身，中間係半溶芝士，最底層係鬆軟朱古力蛋糕，食一口有多種口感味道。小黃鴨蛋糕如果做番甜啲口味會更加大眾化。