10
1
0
等級4
中午時份要去銀行整啲嘢,搞掂時間都唔早,就買外賣返Office食。本身想買津津涼麵食,但見到津津舊舖開咗間同類型嘅舖頭喎,就一於試下。下次先食番津津😝。正值午餐時段,所以都有唔少人幫襯,小店其實應該主要係做外賣嘅,但同時亦都喺舖頭隔離位置,開咗幾張枱叫做可以堂食,有學生妹食緊。不過天氣咁熱☀️,不了!由於第一次幫襯,我好認真咁睇下個餐牌有乜好食。疑似老闆娘嘅人頗熱情向我介紹,我就可以把握機會問佢唔同食物有乜分別,以及辣唔辣。佢都好樂意話我知,買得開心😊。近期愛上咗試辣🌶,所以對呢類麻辣、涼伴菜好有興趣。小店定價好平,可能因為係做外賣客多。湯麵同拌麵平均都係$3x有交易,而且好多食物都可以自由配搭,幾貼心呢。小店門口擺咗大大部雪櫃喺到,相信入面嗰啲就係透心涼系列,夏天食消暑正啊✨!店舖細細,估唔到有成三位女店員整嘢食,食物即叫即整,但都唔洗等好耐。題外話,目測廚房都算乾淨。老闆娘勁醒目,我話個雲吞要走蔥,佢就問係咪即係成張單都走蔥呀,而且主動問我係咪要小辣👍。🐔雞絲涼麵($26/小份),涼麵係賣飛佛,必叫項目。其實佢同重慶涼麵嘅分別就係加咗雞絲,嗌佢就可以唔洗散叫麻辣手撕雞。識得咁嗌就係因
更多
中午時份要去銀行整啲嘢,搞掂時間都唔早,就買外賣返Office食。本身想買津津涼麵食,但見到津津舊舖開咗間同類型嘅舖頭喎,就一於試下。下次先食番津津😝。
22 瀏覽
0 讚好
0 留言
正值午餐時段,所以都有唔少人幫襯,小店其實應該主要係做外賣嘅,但同時亦都喺舖頭隔離位置,開咗幾張枱叫做可以堂食,有學生妹食緊。不過天氣咁熱☀️,不了!
17 瀏覽
0 讚好
0 留言
由於第一次幫襯,我好認真咁睇下個餐牌有乜好食。疑似老闆娘嘅人頗熱情向我介紹,我就可以把握機會問佢唔同食物有乜分別,以及辣唔辣。佢都好樂意話我知,買得開心😊。
42 瀏覽
0 讚好
0 留言
近期愛上咗試辣🌶,所以對呢類麻辣、涼伴菜好有興趣。小店定價好平,可能因為係做外賣客多。湯麵同拌麵平均都係$3x有交易,而且好多食物都可以自由配搭,幾貼心呢。
45 瀏覽
0 讚好
0 留言
小店門口擺咗大大部雪櫃喺到,相信入面嗰啲就係透心涼系列,夏天食消暑正啊✨!
12 瀏覽
0 讚好
0 留言
店舖細細,估唔到有成三位女店員整嘢食,食物即叫即整,但都唔洗等好耐。題外話,目測廚房都算乾淨。老闆娘勁醒目,我話個雲吞要走蔥,佢就問係咪即係成張單都走蔥呀,而且主動問我係咪要小辣👍。
雞絲涼麵
$26
11 瀏覽
0 讚好
0 留言
🐔雞絲涼麵($26/小份),涼麵係賣飛佛,必叫項目。其實佢同重慶涼麵嘅分別就係加咗雞絲,嗌佢就可以唔洗散叫麻辣手撕雞。識得咁嗌就係因為問咗老闆娘,但當然散叫雞肉就應該會多啲,而家都夠食,唔算太少。
雞絲涼麵
$26
10 瀏覽
0 讚好
0 留言
涼麵一定要自己先行攪拌好至食,除咗雞外,配料仲有芫荽、花生、芝麻同埋青瓜絲🥒。涼麵本身夠凍,麵質彈牙,麵條偏幼身,連埋青瓜絲食,爽爽的,勁正😋!而且隻辣度係BB麻辣,啱哂我。小份涼麵份量夠女仔食的。
雞絲涼皮
$30
7 瀏覽
0 讚好
0 留言
雞絲涼皮($30/份),一開始我懷疑涼皮同涼麵嘅分別係咪只在於個麵底,但老闆娘話連個辣味都唔同嘅。呢個係酸酸地同埋落咗麻醬、花生醬🥜,講到咁,就決定實測試下。
雞絲涼皮
$30
7 瀏覽
0 讚好
0 留言
佢個賣相同平日麻醬雞絲粉皮完全唔一樣,食落亦好大分別。呢到嘅涼皮係好粗好大片,而且係實色、麵粉色,唔係透透哋明、米白色嗰種。口感不是滑滑的,有啲皺皮紋🙈,但無影響味道。呢個辣味比起涼麵隻辣稍為勁啲(但個樣勁紅,有點怕怕),就算唔飲水我都食到,不過偏酸辣風,我就鍾意麻辣多啲。但同事剛剛相反,佢鍾意涼皮多啲。
紫菜鮮湯
$20
14 瀏覽
0 讚好
0 留言
紫菜鮮湯雲呑($20/12隻),🥟招牌小雲呑嘅餡肉有得揀小棠菜或者韮菜,諗都唔洗諗梗係前者啦。另外,湯底亦可以揀重慶麻辣湯、紫菜鮮湯、老壇酸辣湯、東北酸辣湯、清湯或者紅油抄手。由於已經嗌咗兩份小辣嘅涼食,我就決定要個唔辣嘅紫菜鮮湯清清佢~。
招牌小雲吞
$20
7 瀏覽
0 讚好
0 留言
湯底無咩特別,偏淡,而且重芫荽味,紫菜量亦好少。不過重點係小雲呑本身嘛,又幾好食喎🤤。同事最驚小雲呑得層皮,但呢到係皮薄、明顯食到肉餡的,而且菜粒幾爽口添,唔錯唔錯。我認為每人6隻都夠食,不過擦得嘅可加$9變大份,就多8隻,仲抵。再大食啲,可以加$15配埋麵🤣。
14 瀏覽
0 讚好
0 留言
總括嚟講,我一開始只係諗住試下第間涼麵嘅口味,點知變咗開心大發現,「小麵站」不比津津差,而且款式仲要多啲。不過食物食到尾段都係逃不過油咗少少,辣嘢無計啦。我一定會多多支持小店💪,佢嘅小辣BB辣者都啱食!另外,小店仲有賣一樽樽自家制嘅酸菜粒定菜脯,依樣亦相當出色,因為涼麵入面都有落到,美味😍。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-06-04
等候時間
5 分鐘 (外賣自取)
人均消費
$40 (午餐)
推介美食
雞絲涼麵
$ 26
雞絲涼麵
$ 26
招牌小雲吞
$ 20