影片
更多
2025-04-05
237 瀏覽
周末喺尖沙咀行街，見到有間新拉麵店，就入去試吓。原來尖沙咀同區嘅居酒屋，石亭同沃川，同呢間味吉長龍係同一個老闆，聽講呢間拉麵店做嘅係清湯路線，同而家市面上流行嘅濃湯唔同。特性慢煮叉燒濃清湯拉麵 $108慢煮叉燒喺呢個麵起咗好大作用。叉燒係好腍嘅，清湯雖然味道較清，但加上可選嘅鹽味/味噌/醬油湯底調味，味道係足夠嘅，當然同而家主流嘅湯底會有啲分別。另外佢上邊有啲配菜，包括牛蒡同筍，全部都可以因應個人需要唔要。北海道豚足鹽味濃清湯拉麵 $108同以上嘅慢煮叉燒比較，呢個豚足係豬手。同樣地，雖然湯底唔係好重味道，但配上呢個豬手嘅味道係足夠。豬手相當大隻，配埋慢煮叉燒其實份量都唔少。午餐時間，叫拉麵可以+$38轉套餐，咁就可以有埋小食同飲品。而個別小食同飲品會再加少少錢。自家製魷魚豚肉餃子 $48 (套餐+$10)比起拉麵，我更加鍾意食呢個餃子。呢個讓咗魷魚同豚肉嘅餃子，食落餃子表面香脆，餡料彈牙又有油香，喺今日最好食嘅出品。鮮蟹肉忌廉薯餅 $38 (套餐免加)意外地，呢個一般連鎖居酒屋都有嘅出品，做得相當唔錯。蟹肉係一絲絲嘅，而且味道creamy亦有啲蟹肉味，好惹味。靜岡綠茶可樂 $28 (
原來尖沙咀同區嘅居酒屋，石亭同沃川，同呢間味吉長龍係同一個老闆，聽講呢間拉麵店做嘅係清湯路線，同而家市面上流行嘅濃湯唔同。
特性慢煮叉燒濃清湯拉麵 $108
慢煮叉燒喺呢個麵起咗好大作用。叉燒係好腍嘅，清湯雖然味道較清，但加上可選嘅鹽味/味噌/醬油湯底調味，味道係足夠嘅，當然同而家主流嘅湯底會有啲分別。另外佢上邊有啲配菜，包括牛蒡同筍，全部都可以因應個人需要唔要。
北海道豚足鹽味濃清湯拉麵 $108
同以上嘅慢煮叉燒比較，呢個豚足係豬手。同樣地，雖然湯底唔係好重味道，但配上呢個豬手嘅味道係足夠。豬手相當大隻，配埋慢煮叉燒其實份量都唔少。
午餐時間，叫拉麵可以+$38轉套餐，咁就可以有埋小食同飲品。而個別小食同飲品會再加少少錢。
自家製魷魚豚肉餃子 $48 (套餐+$10)
比起拉麵，我更加鍾意食呢個餃子。呢個讓咗魷魚同豚肉嘅餃子，食落餃子表面香脆，餡料彈牙又有油香，喺今日最好食嘅出品。
鮮蟹肉忌廉薯餅 $38 (套餐免加)
意外地，呢個一般連鎖居酒屋都有嘅出品，做得相當唔錯。蟹肉係一絲絲嘅，而且味道creamy亦有啲蟹肉味，好惹味。
靜岡綠茶可樂 $28 (套餐+$10)
富士柚子汽水 $28 (套餐+$10)
呢兩個飲品，都好有特色。一個係可樂中帶有綠茶味，一個係帶柚子味嘅汽水，新鮮奇特。午餐加$10嘅話真係要叫嚟試吓。
呢度有一定空間感，唔似好多拉麵店咁迫，而家間新拉麵店嚟講算係坐得幾舒服。個人覺得佢啲小食比拉麵更令人回味。
張貼
