越滿 (已結業)

只愛吃小食，唔好澱粉質，經朋友介紹話呢間好岩我口味，有質素好味的就算1個人食又如何~門口有個侍應帶位有禮貌，全店卡座，座位多，樓底高環境舒服。豬頸肉沙律，做前菜無得頂，成個沙律酸酸咪咪好醒胃，豬頸肉爽口，食落唔會成口油，青瓜好爽脆我至愛，有d洋蔥絲同紅蘿蔔片好吸酸味，都ok。魚餅好特別，同出面好唔同，好厚好大嚿，好彈牙同竟然係勁鮮魚味，好好食。牛油雞翼外脆內嫩，粉槳唔厚適中，好脆，咬落慢慢滲牛油香味，一個人食3隻岩岩好。