八月堂 (已結業)

話說台灣人氣牛角包八月堂登陸咗香港，冇諗過只係三個月已經冇人排隊😂（利申閒日夜晚時間，應該近乎齊款）價錢平均每個十幾至廿幾蚊不等，比台灣食實貴啲，冇計物價唔同嘛😌而家做緊個幾吸引嘅promo，買任何一款再加八蚊可以多一個沖繩黑糖口味，原價要成廿二蚊㗎😂咁另外一個味我就揀咗雪花檸檬，牛角包上面有陣凝固咗嘅糖霜層，食落甜得嚟帶清新嘅檸檬酸，好對我口味，而且就算唔加熱直接食都好脆口。至於黑糖味就比較一般，係食到有黑糖味而且都幾自然但又唔係話好突出咁，話說呢個有輕輕加熱再食，好似常溫食好味啲😌