小蟻人 甜品西餐 (已結業)

跟晩餐沙律，菜好鮮好翠綠，腸仔切片好有咸香味，醋味十足。加拿大藍青口，花虎蝦龍蝦汁銅模闊條麵，個龍蝦汁好鮮龍蝦味道，濃而索入曬d闊條麵內，十分入味。虎蝦好爽口彈牙，又大隻，啖啖蝦肉。青口細細隻但好香海鮮味，好正。小食鹽酥雞炸得好香，外層酥脆，內裏肉質嫩滑芒果汁好濃好杰，應該係芒果鮮搾，仲有幾舊芒果肉，十分鮮味，亦很清甜雪糕芝士夾心好鬼靚，成舊西瓜咁，紅色係紅豆味雪糕，仲有紅豆粒，另外綠色白色味道似云呢那味，加入薄薄海綿蛋糕係底，好味呀！