河鮮烤魚 (已結業)

老公話今日想食小菜，就喺附近近近地搵咗間食入到去之後環境都幾舒服，幾乾淨，我哋兩個人就叫咗三個餸，無叫飯，因為啲小菜都唔細碟，份量都好足夠👍🏻👍🏻👍🏻翡翠炒帶子皇 $148⭐️⭐️⭐️⭐️⭐️上枱之後勁香，估唔到一碟平常都成日食嘅炒帶子，竟然可以做到咁香口，帶子煎得好鬆軟，口感多汁，一啲都唔乾身，同埋帶子都好大粒，因為呢一個餸有得加$20 XO醬炒，所以我哋就加咗$20用XO醬去炒，係更加出色，令到成個味道層次提升咗好多，所以建議如果叫呢個餸都一定要加$20落去比XO醬去炒，真係食過會不停讚👍🏻菠蘿咕嚕肉 $88⭐️⭐️⭐️⭐️因為枱面開始放多咗野，所以要移動少少位去放呢碟咕嚕肉，唔做呢個動作都唔知，原來餐廳好細心咁將所有碟都預熱晒，做到每一碟餸菜上到枱都係熱辣辣，呢樣真係值得加好多分，估唔到一間普普通通嘅餐廳都會做呢啲窩心嘅動作，講返個咕嚕肉先，菠蘿好甜，唔會太酸，亦都好多汁，咕嚕肉都大大嚿，亦都熱辣辣，入口軟林林，酸酸甜甜好開胃🤩乾煸四季豆 $88⭐️⭐️⭐️⭐️可以話係比起出邊小菜嘅餐廳吵得更加香口，其實我坐喺出邊樓面都已經聽到廚房裏面嘅鑊氣聲音好勁，感覺好猛火，呢啲鑊氣炒出嚟嘅小菜先至好食，先至會出色，