水記

營業中

休息中

前幾日同朋友去左食例牌水記，諗唔到食咩就一定係食依間😂不過佢個位置對我黎講真係幾難搵，因為似似都夜晚去，所以成日都唔認得啲路。同依兩條友食嘢係冇得用手機的，不過勉強影左兩張！入正題！水記係食打冷嘢的！啱我口味！😂😂😂😂而且食左幾次都唔厭。已經係入左個人回頭草餐廳系列之一。❤️每次必叫，蠔餅！！依到嘅蠔餅真係好大份！而且勁香口！！超熱氣！不過都會食！哈哈！佢嘅蠔真係一粒粒好飽滿，而且冇咩粉感，似係淨溝蛋䊢一齊炸咁。每一啖都好滿足，如果可以加多啲莞茜就好啦！！❤️蒜蓉蒸陳村粉個人黎講，係必食嘅！！陳村粉滑嫩，吸曬蒜蓉嘅香味同鼓油，好香又唔感，就咁食到停唔到口，一碟大大份，認真大件夾好食！！❤️冬陰公湯材料比岀面嘅都非常足，而且又係超大碗，啲料足夠喂飽你。雖然味道不錯，但始終欠缺東陰公應有嘅酸辣，刺激感。另外仲叫左滷味拼盤，以為叫左細嘅就食得完，點知又係大大份，啲鵝腸仲要好多添，滷味足而且好香，不過食下食就會覺得好咸！一定要送大量飯！！