茶餐廳2.0 (已結業)

平時食茶餐廳，來來去去都係快餐特餐，頂多都係炒下小菜，今次竟然食到一間好特別嘅茶餐廳，有鐵板燒，亦有平時外賣的奶茶特飲，非常特別。呢間餐廳叫茶餐廳2.0 ，門口已經見到有特色飲品外帶部門，有珍珠鮮奶及其他特飲。佢哋每一晚都有特色小菜套餐，有多種選擇而且價錢都唔貴，適合一家大細或情侶撐枱腳，當然亦都可以加錢轉特飲👍🏻👍🏻座位方面，餐廳都設計得十分寬敞，亦有卡位提供，非常舒適。介紹番啲嘢食先，同一般茶餐廳唔同，竟然見到有呢個石燒A4和牛餐，咁特別，梗係要叫返個嚟食吓啦，另外我都叫咗個晚餐小菜，菜心炒牛肉。石燒和牛上菜嘅時候，我都俾佢嚇左一下，賣相都算精美，和牛亦都好新鮮，配上一大塊石燒鐵板，好有鑊氣。食法好簡單，將和牛放上熱辣辣嘅鐵板上燒熟便可，和牛可以燒到九成熟，一啲都韌，重充滿肉汁，不錯不錯👍🏻👍🏻而小菜套餐都非常好食，菜心炒牛肉雖然係一個好平凡嘅小菜，但都見到廚師嘅細心，因為好少地方會將菜心剪碎先再煮。菜心炒牛肉嘅味道，如果10分係滿分嚟計算，都有8.5分，非常之吾錯。飲品方面我哋都加錢轉左特飲，分別係雪糕紅豆冰同埋仙草珍珠鮮奶。完全冇諗過食茶餐廳都可以飲到平時外賣嘅特飲，咁樣加埋一