米克.諾斯 (已結業)

不用上班的日子，約好友午餐小聚，為方便好友，故找了間在朋友公司附近嘅餐廳享用午餐。  餐廳嘅裝修好有地中海嘅感覺，簡潔乾淨，又唔會太迫。我哋每人叫咗一個午餐，午餐有頭盤，main course同 Drink。  頭盤我們order 了周打蜆湯及蟹肉羅刺番茄湯配餐包，周打蜆湯好creamy 而且真係食到蜆肉，而蕃茄湯的蕃茄味好濃，亦飲到羅勒嘅清香味，同樣飲時食到啖啖蟹肉完全係我杯茶。慢煮油封鴨腿伴德國腸酸椰菜，鴨腿皮好脆，腿配上香草, 吃落有適中的鹹&香草味，而且一D都唔油膩，伴上焦糖藍苺汁，味道不錯，德國腸跟酸椰菜一向都係絕配。米蘭燉牛肋肉伴烤羅馬生菜闊條麵，牛肋肉好林好入味，闊條麵鋪上芝士感覺好Rich, 最適合我這個大食的朋友。最後我哋加了個是日甜品, 而今日嘅甜品都有芝士撻 & Tiramisu 撻，味道剛剛好唔會太甜， 不得不讚這餐廳嘅食物賣相，每次上枱都相當吸引，完全係有色香味嘅感覺。