三分俗氣 (已結業)

睇到近期推介既小籠包有呢間三分俗氣又岩岩好起公司附近所以要黎試一試！午市去到時坐無虛席，都好爆場但好彩上菜速度都唔會好耐～有午市A＋B套餐，可以揀一個主菜之後加一個小菜，基本＄4X都已經可以埋單～酸辣湯麵 ＄30酸辣湯唔太酸而且辣的程度亦好低但個麵好好好大，可以話一個男人食都會好飽～ 小好建議可以加醋增加酸辣湯的層次上海炒刀削麵 ＄37基本上同上海粗炒無咩分別，味道方面好有鑊氣而且沒有將麵炒到好碎。配料方面用了椰菜同肉絲，椰菜份量都多同好甜三絲粉皮 ＄12粉皮除咗雞絲，青瓜絲仲有火腿絲，花生醬花生味濃。粉皮份量以細份小食都唔錯，12蚊都算好抵，因為出面上海店一碟雞絲粉皮都要＄6X。手拍黃瓜 ＄10黃瓜有好濃麻油香同蒜味而且勝在份量夠多，愈食愈開胃～小籠包 ＄36/4隻小籠包上枱時熱辣辣，新鮮出爐。粒粒都好大粒，個皮真係好薄同多汁～基本上沒有挑剔，價錢又唔貴，真係必食～小妹最想試埋生煎包但可惜個肚飽到就黎要爆，唯有下次有機會再黎食過～